కార్తీక మాసం స్నానాలు, దీపారాధనతో గడిచిపోయింది. కార్తీకం తర్వాత మార్గశిర మాసం. ఈ మాసం విష్ణుమూర్తికి చాలా ప్రీతికరమైన మాసం. దీనిని ధనుర్మాసం అని కూడా అంటారు. ధనుర్మాసం అనగా సూర్యుడు ధనురాశిలో ప్రవేశించినప్పటి నుంచి తిరిగి మకర రాశిలోకి ప్రవేశించే మధ్యకాలాన్ని ధనుర్మాసం అని అంటారు.
ఈ కాలాన్ని ధనుస్సంక్రమణం అని కూడా అంటారు. ఈ ధనుర్మాసంలో శ్రీ వ్రతం అని చేస్తారు. ధనుర్మాస వ్రతం కూడా చేస్తారు. ఈ ధనుర్మాస వ్రతం విష్ణుమూర్తికి చాలా ప్రీతికరమైనది. ఈ నెల రోజులు స్వామికి ప్రసాదంగా దద్దోజనం, పులిహోర, పొంగలి, నైవేద్యంగా పెట్టి అందరికి పంచుతారు.
కలియుగ వైకుంఠమైన తిరుపతి లో కూడా ఈ ధనుర్మాసం నెల రోజులు సుప్రభాతం చదివే సమయంలో తిరుప్పావైని భక్తి శ్రద్ధలతో పాటిస్తారు. విష్ణు సహస్రనామాలు, అష్టోత్తర నామాలు చదివి తులసిదళాలు, పూలతో పూజించాలి. ఇంట్లో పూజ చేసుకున్నా కొంచెం అటూ ఇటూగా ఇలాగే చేయాలి. పొంగలి ముఖ్యం తర్వాత దద్దోజనం, పులిహోర ఏదో ఒకటి చేసి నైవేద్యంగా పెట్టాలి చివరి రోజున గోదాకల్యాణం చేయాలి. ఎక్కువగా శ్రీకృష్ణుని ప్రతిమను పెట్టి పూజించాలి. ఈనెల బాగా చలిగా వున్నా ఆడపిల్లలు తెల్లవారుజామునే లేచి, ఇంటి ముందు శుభ్రం చేసి పేడ నీళ్ళు చల్లి, చక్కటి ముగ్గులతో వాకిళ్లను తీర్చిదిద్దుతారు. ఆ తరువాత శ్రీకృష్ణుని విగ్రహం ముందు దీపాలు వెలిగించి, తిరుప్పావై, తిరువెంబావై భక్తితో చదువుతారు. ఈ విధంగా పూజించి ఈ పాశురాలను చదివితే తమకు త్వరగా వివాహం జరుగుతుందని బాలికల నమ్మిక. శ్రీ గోదాదేవి గురించి ఆమె చేసిన వ్రతం ఇది. దీనిని గోదాదేవి కథ అని, శ్రీ వ్రతం అని అంటారు.
ఈ ధనుర్మాసంలో మన ముంగిళ్ళన్నీకళకళలాడుతూ ఉంటాయి. సాయంత్రం వాకిళ్లను శుభ్రం చేసుకుని పేడనీళ్ళు చల్లి, ఆరిన తర్వాత పెద్ద, పెద్ద ముగ్గులు వేస్తారు. ఆ ముగ్గుల మీద ఆవు పేడతో గొబ్బెమ్మలు చేసి, ఆ గొబ్బెమ్మల మీద బియ్యపిండితో ముగ్గువేసి, పసుపు, కుంకుమ బొట్లు పెట్టి, పూలు పెట్టి, ముగ్గుల మీద అలంకరిస్తారు. ఆ గొబ్బెమ్మలు మధ్యాహ్నానికి తీసి పిడకలాగా కొట్టి ఎండబెడతారు. ఆ పిడకలతో రథసప్తమి నాడు ఆవుపాలతో పొంగలి చేసి సూర్యునికి నైవేద్యం పెడతారు. భోగి రోజున గోదాదేవికి, శ్రీరంగనాథునికి కళ్యాణం చేసి ధనుర్మాసానికి శుభం పలుకుతారు.
సర్వేజనా సుఖినోభవంతు!!
---------------------------------------------------------------------------
డిసెంబర్ 16 నుంచి ధనుర్మాసం ముగ్గులు మొదలుపెడతారు. అందుకని ఈ నెల నుండి చిట్కాలు బదులు ప్రతి వారం రెండుగానీ, మూడు గాని ముగ్గులు పెడతాను. ఈ ధనుర్మాసంలో స్వర్గద్వారాలు తెరిచే ఉంటారని పెద్దలు చెబుతారు. అందుకని ఈ నెలరోజులు ముగ్గులు వేసేటప్పుడు వాకిళ్ళు తెరిచి ఉంచినట్లుగా ముగ్గులు వేయాలి. సంక్రాంతి రోజున సాయంత్రం వాకిళ్ళు మూసినట్లు గా ముగ్గు వేస్తారు. వాకిళ్లు తెరవడం ఎలా అని నేను ముగ్గులు వేసి చూపిస్తాను. నా ముగ్గులను మీరు అందరూ ఆదరిస్తారని ఆశిస్తున్నాను.
1)
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.
ConversionConversion EmoticonEmoticon